అభివృద్ధి

                                               మా  గ్రామం  అభివృద్ధి   బాటలో  అడుగులు  వేస్తూ  శరవేగంగా  ముందుకు సాగుతుంది.  గ్రామము  లోని  రహదారులను  సిమెంట్  రహదారులు గా  అభివృద్ధి  చెందినవి.  సమగ్రమైన మురుగునీటి  పారుదల  వ్యవస్థ , పారిశుద్ధ్య  వ్యవస్థ  కలవు.  గ్రామం  లోని  అన్ని రహదారులలో  వీధి దీపాలు  రాత్రి  సమయాలలో  గ్రామాన్ని  విద్యుత్  దీప  వెలుగులతో  మిరుమిట్లు   గొలిపేలా  చేస్తాయి.
                               
                                   రక్షిత  మంచినీటి సరఫరా పధకం  గ్రామ  ప్రజలందరికి  సురక్షితమైన  మంచినీటిని  అందజేస్తుంది . గ్రామం లో ఆరోగ్యకరమైన,  ఆహ్లాదకరమైన  వాతావరణం  కోసం  గ్రామ  ప్రజలు  అందరు  తమ  వంతు  కృషి  చేస్తున్నారు .

                               చెట్లు  నాటడం భూగర్బ  జలాలను  పెంచడం కోసం  వర్షపు  నీటిని  ఇంకుడు గుంటలలోనికి  ప్రవహించేటట్లు  చేయడం  వంటి పర్యావరణ  అనుకూల  కార్యక్రమాల  ద్వారా  గ్రామం లో  ఆరోగ్యకరమైన  వాతావరణం  ఏర్పడింది .

                               ఇటువంటి  కార్యక్రమాలలో  విజయం సాధించడం వలన  మా  గ్రామానికి  రాష్ట్రపతి  చేతుల  మీదుగా   "నిర్మల్  గ్రామ పురస్కార్ "  అవార్డ్   లభించినది .  అంతేగాక  మా  గ్రామానికి   ఆంధ్రప్రదేశ్  రాష్ట్ర  ప్రభుత్వం  "సంపూర్ణ పారిశుద్ధ్య  గ్రామం "  హోదాను  కల్పించినది. మా  గ్రామం  లోని  ప్రాధమిక  పాటశాల  గ్రామం  లోని  పిల్లలు అందరు  విద్యను  అభ్యసించడానికి  అనువుగా  పాటశాలలో  అన్ని  రకముల  సదుపాయములు కల్పించబడినవి. దీనికి ప్రోత్సహకముగా  ఆంధ్రప్రదేశ్  రాష్ట్ర  ప్రభుత్వం  "సర్వశిక్ష  అభయాన్ "  కార్యక్రమము

 ద్వారా  మద్యాహ్న  భోజన  పథకం  మరియు  ఇతర  భోదన  సంబంధ  కార్యక్రమాల   అభివృద్ధికి   తోడ్పాటును అందిస్తుంది .